دملک سلمان بن عبدالعزيز موسسه ۲۰ زره بېځايه شوو او راستنوشوو کورنيوسره مرسته کوي
دکډوالو او راستنېدونکو چارو وزارت د ټولنيزوچارو سلاکار حيات الله صباوون د ملک سلمان موسسې د رسنيو او عامه اړيکو دبرخې له رئيس عبدالله نادرسره د تېرې چهارشنبې په ورځ د وري په ۱۴مه دکډولو چارو وزارت کې وليدل او د روژې په مياشتې کې په ۵ ولايتونوکې ۲۰ زره بېځايه شوو او راستنو شوو کورنيوسره دمرستو دوېش پرسره خبرې اترې وکړې.
دغه مرستې چې خوراکي مواد پکې شامل دي لګښت يې ( ۹۳۶۰۰۰ ) امريکايي ډالره کېږي په کابل ولايت کې ۵ زره تنو ته، په ننګرهار کې ۴۵۰۰ تنو ته، په کندهارکې ۴۰۰۰ تنوته، بلخ کې ۳۰۰۰ او په هرات ولايت کې ۳۵۰۰ بېځايه شوو او راستنو شوو کورنيوته به د روژې په مياشت کې ووېشل شي.
همدارنګه د يادې موسسې استازي ژمنه وکړه،چې د ياد وزارت روغتيايي مرکز به د وسايلو او ضرورتونو سره جوړ کړي.
