راځئ زړونه له مینې او مهربانۍ ډک کړو
د مهاجرینو او راستنېدونکو چارو وزارت مالي او اداري مرستیال ښاغلي شیخ کلیم الرحمن فاني نن د ماسپښین له لمانځه وروسته د وزارت کارکوونکو ته په وینا کې وویل: راځئ زړونه له مینې او مهربانۍ ډک کړو.
د وزارت مالي او اداري مرستیال د اسلام د مبارک دین لارښوونو ته په اشارې سره زیاته کړه: موږ باید پر خپل تقدیر اعتراض و نه لرو، خپل زړونه له مینې، شفقت او مهربانۍ ډک کړو او د مظلومانو لپاره ښه ښه خدمتونه وړاندې کړو او هیله لرم چې الله تعالی موږ ته د خدمت وس او توفیق راکړي.
ښاغلي فاني له مراجعینو سره د وزارت د کارکوونکو د غوره چلند غوښتنه څرګنده کړه او په ورځني ژوند کې یې د شرعي احکامو پلي کول د دنیا او اخرت بریا وګڼله.
