د مهاجرينو چارو وزارت مسلکي مرستيال د بغلان ولايت مسؤلينو او چارواکو سره لينده وکړه
د مهاجرينو او راستنېدونکو چارو وزارت مسلکي مرستيال مولوي عبدالرحمن راشد چې په رسمي سفر بغلان ولايت ته تلی، د ليندۍ په ( ۵) مه يې د بغلان ولايت د مسؤلينو د همغږۍ په ناسته کې ګډون وکړ.
په دغه ناسته کې د غلان ولايت والي مولوي سميع الله خزب الله، مرستيال والي، امنيه قومندان، استخباراتو رئيس، پوهنې رئيس، کرنې او يوشمېر ادارو استازو ګډن درلود، چې پکې د مهاجرينو د ښارګوټود شته فرصتونو او ننګونو په اړه خبرې وشوې او طرفينو ژمنه وکړه د مهاجرينو ښارګوټو کې د شته ستونزو په برخه کې به لازيات فعاليتونه ترسره کړي.
همدارنګه د مهاجرينو چارو وزارت مسلکي مرستيال د مهاجرينو چارو وزارت او اقتصاد وزارت ترمنځ د لاسليک شوي هوکړه ليک يادونه وکړه ويې ويل، ډېر ژر به د ولايت مسؤلينو ته په وړاندې شي او د ياد هوکړه ليک په پام کې نيولو او عملي کولو سره به د اقتصاد او مهاجرينو چارو رياستونو ترمنځ شته ستونزې حل شي، ځکه په هوکړه ليک کې صلاحيتونو او مسؤليتونه واضح شوي دي.
