په بغلان ولایت کې دوه عام المنفعه پروژې ګټې اخیستنې ته وسپارل شوې
د غوایي میاشتې په ۱۵ مه نیټه د بغلان ولایت د مرکزي بغلان په ولسوالۍ کې عام المنفعه پروژې د مهاجرینو چارو رییس او محلي خلکو په حضور کې ګټې اخیستنې ته وسپارل شوې.
یادې پروژې په لاندې ډول دي:
۱. د تیموریانو بالا سیمه کې د یوې ژورې څاه کیندل، چې د سولري سیسټم، د اوبو زېرمه او نورو اړوندو تاسیساتو سره مجهزه ده. دا پروژه د اوسیدونکو د پاکو اوبو ستونزه حل کوي.
۲. د بغلان مرکزي ولسوالۍ د گجرآباد سیمه کې د سېلاب د مخنوي په موخه یو پلچک په پاخه او اساسي ډول رغول شوی. دا پروژه د گجرآباد او شاوخوا کلیو د ۹۰۰ کورنیو د تګ راتګ ستونزه حل کوي او دوی ته د عمومي سړک او بازار ته د لاسرسي اسانتیاوې برابروي.
دا دواړه پروژې د وزارت د همکارې بنسټونو له لوري، د دولتي سکتوري ادارو د همغږۍ او څارنې او د مهاجرینو چارو وزارت سره د شوې هوکړهلیک پر اساس، د ۱۰ زره امریکايي ډالرو په لګښت پلې او عملي شوي دي.