په بلخ ولایت کې له زرو زیاتو کورنیو سره مرسته وشوه.
پرون سه شنبه د ١٤٠٣ لمریز کال د غویي د میاشتې په ٩مه نېټه په بلخ ولایت کې د ګاونډیو هېوادونو څخه جبري راستنېدونکو ۱۰۸۴ کورنیو ته نغدي مرستې ورکړل شوې.
یادې مرستې د همکارې مؤسسې له خوا له پېژندنې وروسته، د هرې کورنۍ لپاره د درېیم قسط په توګه، په دوه برخو کې ۴۲ زره ۷۶۰ افغانۍ او ۲۱ زره ۹۵۵ افغانۍ ویشل شوې.
د یادونې وړ ده چې یادو کورنیو له دې وړاندې هم دوه قسطه مرستې ترلاسه کړې وې.