د کډوالو او بېرته راستنېدونکو چارو سرپرست وزیر د پنجشېر له امنیه قومندان سره وکتل
د کډوالو او بېرته راستنېدونکو چارو سرپرست وزیر محترم مولوي عبدالکبیر، د پنجشېر ولایت له امنیه قومندان قاري احمدالله بدر سره په خپل کاري دفتر کې وکتل.
په دې ناسته کې قاري احمدالله بدر د پنجشیر د امنیتي او ټولنیز وضعیت په اړه معلومات وړاندې کړل او ډاډ یې ورکړ چې د ولس د رفاه لپاره به همکارۍ ته دوام ورکړي.
د کډوالو او راستنېدونکیو چارو سرپرست وزیر محترم مولوي عبدالکبیر، د خلکو د هوساینې او پرمختګ په برخه کې د مسؤلینو د هڅو ستاینه وکړه او ټینګار یې وکړ، چې د ولس د اقتصادي ودې او ټولنیز پرمختګ لپاره باید دوامداره هڅې وشي. هغه وویل، چې د ولسونو او ځايي مسؤلینو ترمنځ دې همغږي او همکاري پراخه شي.
