د مهاجرینو چارو مسلکي معین نن د خپل سفر په ترڅ کې د هلمند ولایت د مهاجرینو او راستنېدونکو ریاست څخه لیدنه وکړه
د سفرونو د لړیو پر دوام د مهاجرینو او راستنېدونکو چارو مسلکي معین نن هلمند ولایت ته ولاړ او د هلمند ولایت د مهاجرینو او راستنېدونکو چارو ریاست څخه یې لیدنه وکړه.
ښاغلي راشد په دې لیدنه کې د دغه ریاست له کارکوونکو سره ولیدل او د بې ځایه شویو او راستنېدونکو ته د خدمتونو ترسراوی یې خپل کاري لومړیتوب وباله.
نوموړي همدا راز د شریعت د اصولو او قواعدو پر پابندۍ، په دندو کې پر اخلاص او روڼتیا او مراجعېنو سره پر نیک چلند ټینګار وکړ.
د هلمند ولایت د مهاجرینو رییس مولوي الله داد انقیادي د مهاجرینو چارو مسلکي معین ته ښه راغلاست ووایه او د دغې ادارې د کارونو په اړه یې له ښاغلي معین سره معلومات شریک کړل.
همدا ډول یادو کارکوونکو ښاغلي معین صیب ته د غوره خدمتونو د وړاندې کولو او د چارو د ښه والي په برخه کې د همکارۍ ډاډ ورکړ.
