د افغانستان او پاکستان د سولې او يووالي د عمل سند لپاره د کډوالو کمېټې د درييمې دورې خبرې پيل شوې
د کډوالو د مودې غځيدنه،د پاکستان پوهنتونونوته د کډوالو زده کوونکو لاس رسی، کډوالو زده کوونکو،زده کړيالانو، سوداګرو او هغو کسانوته چې له پاکستانيانو سره يې ودونه کړي د اوږد مهاله وېزو د ورکړې زمينې برابرول ددې خبرو مهم موضوعات ول.
دغه ناسته د تېرې چهارشنبې په ورځ د چنګاښ په ۱۹مه په کابل کې ترسره شوه چې په کې د پناه غوښتونکو او اخيستونکو د ستونزو پر سر دواړو لوريو خپل نظرونه شريک کړل.
د افغانستان د خبرو پلاوی مشري ډاکټرې عالمې او د پاکستان د پلاوی مشري د هغه هېواد د سفران وزارت مرستيال پر غاړه لرله، په کابل کې د پاکستان سفارت استازي او د افغانستان حکومت د اړونده ادارو استازو هم په کې شتون درلود.
د افغانستان لورې د سولې له راتلو وروسته د راستنېدونکو پراخې پالېسۍ جوړولو ته په اشارې سره وويل، موږ دامهالپه يو نوي پروګرام کار کو ترڅو د سولې له راتلو وروسته راستنېدونکو ته د ښه راغلاست او ځای پرځای کېدنې لپاره لازم چمتوالی ونيسو.
پاکستان همکاريو ته په اشارې سره ژمنه وکړه چې ډېر ژر به په پاکستان کې د مېشتو کډوالو ثبت شوي معلومات به له افغانستان سره شريک کړي.
