په مهاجرینو وزارت کې د نږدې ۹ میلیونه ډالرو په ارزښت څلور هوکړه لیکونه لاسلیک شول
په مهاجرینو او راستنېدونکو چارو وزارت کې د احیای صحت، جامعه افغاني، هیات ناروې موسسو سره د ۸ میلیونه ۹۷۲ زره او ۴۶۶ امریکايي ډالرو په ارزښت د همکارۍ تړونونه لاسلیک شول.
د یاو هوکړه لیکونو له مخې، د موسسه احیای صحت و جامعه افغاني به ۵ میلیونه ۱۰۷ زره ۸۶۵ ډالره به د اړمنو کسانو لپاره د شنو خونو جوړولو، د سرپناوو بیا رغونه او جوړونه، بخارۍ، سولر، د مکتب رغولو او د ټولنیز مرکز په جوړولو کې مصرفوي، چې له دې څخه به ۱۳ زره ۵۰۰ کسان په کابل، پروان او لوګر ولایتونو کې، ۱۳۵ کورنۍ به په کندهار، ارزګان، هلمند، زابل، نیمروز، فراه، هرات او بادغیس ولایتونو کې ګټه واخلي.
د مهاجرینو لپاره د هیات ناروې موسسه به د ۶۹۷ کورنیو لپاره په ننګرهار، لغمان او کونړ ولایتونو کې ۳ میلیونه ۳ سوه ۲۴ زره ۶۳۵ ډالر په نغدي مرستو، سرپناوو جوړولو په برخه کې په مصرف رسوي او د بشری مرستو همغږې کوونکې موسسه به په هرات او بادغیس ولایتونو کې ۵ سوه ۳۹ زره ۹۶۹ ډالر د ۲ زره ۷۰ کورنیو ته د نغدي مرستې ورکوي.
یاد هوکړه لیکونه د مهاجرینو وزارت مسلکی معینیت سرپرست محمد جان خدرخېل او د دعوت، ارشاد رییس او د یادو موسسو استازو تر منځ لاسلیک شو.
