بلخ کې د قالینو اوبدلو او پروسس مرکز پرانېسته وشوه
د بلخ ولایت نهر شاهي ولسوالۍ د قالین بافانو ښارګوټي کې د مهاجرینو وزارت مسلکي معین مولوي عبدالرحمن راشد، د والي مرستیال او مهاجرینو رییس په شتون کې پرانېستل شو.
یاد مرکز چې د جوړېدو چارې یې په ۲۰۲۰ زیږدیز کال کې پیل شوې وې، د کډوالو په چارو کې د ملګرو ملتونو عالي کمېشنرۍ په مالي ملاتړ د اکرو موسسې له لوري د ۳۴۸ زره امریکايي ډالرو په لګښت جوړ شوی چې د پروسس او اوبدلو برخه لري، پکې ۱۰۰ تنو بې ځایه شویو ښځو او سیمې خلکو ته د کار زمینه برابره شوې ده.
د وزارت مسلکي معین په یاده پرانېسته کې وویل: د شکر ځای ده، چې د اسلامي امارت په راتګ سره د هر ډول پانګونې لپاره زمینه برابره شوې، په ټولو سوداګرو او پانګوالو غږ کوم چې هېواد کې پانګونه وکړي او د ویاړ ځای ده چې د اسلامي امارت په راتګ سره په سلګونو پروژو پرانېسته شوې ده.
د بلخ مرستیال والي مولوي نور الهادي ابو ادریس وویل: د خوښۍ ځای ده چې په دې ډول پروژو سره هېوادوالو ته د کار زمینه برابریږي او اسلامي امارت تل له تاسو سره همکار ده.
د بلخ د مهاجرینو رییس اسدالله وفا وویل: د ویاړ ځای دی، چې د مزارشریف ښار کې دا ډول پروژو پرانېسته وشوه، چې ډېری ښځو ته پکې د کار زمینه برابره شوه.
