د وزارت د ستراتیژۍ د طرحې د نهايي کولو په موخه غونډه وشوه
د مهاجرینو او راستنېدونکو چارو وزارت د پنځه کلنې ستراتیژۍ د طرحې وروستۍ غونډه د دغه وزارت د مسلکي مرستیال مولوي عبدالرحمن راشد په مشرۍ د یو شمېر مرکزي رییسانو په حضور کې جوړه شوه. په غونډه کې د وزارت مسلکي معین د هغې د بیا کتنې او نهايي کولو په موخه وویل: د راتلونکو پنځو کلونو لپاره باید یوه داسې ستراتیژي ترتیب او جوړه شي، چې ټولو اړخونو ته د منلو وړ وي. د مهاجرینو وزارت مرکزي ریيسانو د یادې موضوع په اړه خپل نظرونه او وړانديزونه وړاندې کړل.
د وزارت د ستراتیژۍ مسوده د وزارت د مقام په لارښوونه او د ملي او نړیوالو همکارو بنسټونو تخنیکي نظرونو ته په کتو سره د ۱۴۰۳ څخه تر ۱۴۰۷ کلونو لپاره به ډېر ژر بشپړه شي.
