د مهاجرینو چارو سرپرست وزیر د زابل ولایت له والي سره ولیدل
د مهاجرینو او رستنېدونکو چارو سرپرست وزیر الحاج خلیل الرحمن حقاني زابل ولایت ته د خپل سفر په ترڅ کې ددغه ولایت له والي مولوي حزب الله افغان سره د ولایت مقام کې ولیدل
د زابل والي دغه ولایت ته د مهاجرینو د راستنېدو بهیر، هغوی ته د وړاندې شوو خدماتو او کاري کمېټو د فعالیتونو په هکله معلومات ورکړل
ښاغلي حقاني د مهاجرینو په برخه کې د ولایت د هڅو قدرداني وکړه او ډاډ یې ورکړ، چې د ستونزو د حل په اړه به یې له اړوندو ادارو سره په همغږۍ لازم اقدامات ترسره کړي
نوموړي د مهاجرینو د ښارګوټو د تثبیت او تصفیې په اړه هم ټینګار وکړ او او زیاته یې کړه اسلامي امارت به ژر په یادو ښارګوټو کې ودانیزې چارې شروع کړي
