بلخ کې ۶۸ اجباري راستنېدونکو سره د خوراکي او غير خوراکي توکو مرستې وشوې
د مهاجرينو چارو رياست په دغه ولايت کې له پاکستان څخه ۶۸ اجباري راستنېدونکو کورنیو ته د خوراکي او غير خوراکي توکو د وېش خبر ورکړ.
دغه کورنۍ، چې د مهاجرينو چارو ادارې له لوري په موقتي کمپ کې د مرستو له پاره په نښه شوې وې هرې کورنۍ ته د خوراکي توکو کڅوړې چې پکې ۸ قلمه مواد شامل وو او ژمنۍ کڅوړې د بېړنيو حالاتو کمېټې، يونيسف او QASE مؤسسې په مالي مرسته د مهاجرينوچارو ادارې ترڅارنې لاندې وېشل شوې دي.