نږدې ۲۰۰ تنه افغان مهاجر د پاکستان له زندانونو آزاد شول
۱۹۶ تنه افغان مهاجرين د پاکستان له زندانونو آزاد او د لړم په ۱۹مه هېواد ته راستانه شول.
د ننګرهار ولايت د تورخم د مهاجرينو چارو آمريت د راپور پر بنسټ ياد کسان د آزادېدو وروسته د تورخم له لارې هېواد ته راستانه او د مرستو د ترلاسه کولو په موخه د مهاجرت نړۍوال سازمان ته ور وپېژندل شول.
سرچينې زياتوي چې يادو کسانو ته د ناورې او ډنمارک د مهاجرينو ټولنې په مالي مرسته د منفجره موادو په اړه معلومات او حقوقي مشورې ورکول شوې او هغه کسان چې عمرونه يې له ۱۸ کالو ټيټ وو د خپلو کورنيو د پېژندنې په موخه د بازسازي افغانستان بلند مؤسسې ته ور پېژندل شوي دي.