د هېواد غېږه د ټولو افغانانو لپاره خلاصه ده، په ابرو او په عزت سره هېواد ته راستانه شئ
د مهاجرینو او راستنېدونکو چارو سرپرست الحاج خلیل الرحمان حقاني د کندهار ولایت، د سپین بولدک له صفري نقطې څخه لیدنه وکړه
ښاغلي حقاني سپین بولدک کې د مهاجرینو چارو آمریت د کارونو ارزونه وکړه، د راستنېدونکو ستونزې یې واورېدې او له یوشمېر سره یې نغدي مرستې هم وکړې
د مهاجرینو چارو وزیر وویل، د مهاجرینو د راستنولو لپاره اسلامي امارت په لوړه کچه تیاری نیولی، د هېواد غېږه د ټولو افغانانو لپاره خلاصه ده او ټول باید په ابرومندانه توګه خپل هېواد ته راستانه شي
ښاغلي حقاني د مهاجرت نړیوال سازمان ای او ام، د ملګرو ملتونو د بشري مرستو همغږۍ ادارې اوچا او یو شمېر نورو همکارو موسساتو له مسولینو سره هم ولیدل، ددوی کارونه یې وارزول او لازمې سپارښتنې یې ورته وکړې
په لیدنه کې د یادو موسساتو مسؤلینو د مهاجرینو چارو وزیر ته خپل کاري راپور وړاندې کړ او ژمنه یې وکړه، چې د راستنېدونکو زیات تعداد ته په کتو به خپل کاري پرسونل او امکانات نور هم زیات کړي
