د مهاجرینو چارو وزیر د افغانستان د شیعه علماوو شورا د دارالانشاله رییس سره ولیدل
د مهاجرینو چارو وزیر الحاج خلیل الرحمن حقاني د افغانستان د شعیه علماوو شورا د دارالانشا له رییس سید حسین عالمي بلخي سره په خپل کاري دفتر کې ليدنه وکړه.
په دې لیدنه کې ښاغلي بلخي د هېواد په یو شمېر سیمو کې د بېځایه شوو شیعه اتباعو او راستنېدونکو ستونزې مطرح کړې او د حل په برخه کې یې د مهاجرینو چارو وزارت څخه د همکاریو غوښتنه وکړه.
د مهاجرینو چارو وزیر وویل، افغانستان د دې خاورې د ټولو اوسیدونکو ګډ کور دی او اسلامي امارت د ټولو افغانانو د ستونزو د هواري مسولیت پر غاړه لري.
حقاني د مهاجرینو او راستنېدونکو لپاره د مهاجرینو چارو وزارت د پروګرامونو د يادونې پر مهال خلکوته ته پروخت د ستونزو پر حل ټينګار وکړ او ډاډ يې ورکړ چې د مرستو د وېش او سروې چارې به په شفاف ډول تر سره شي او له هرډول فساده څخه به پاکې وي او په دې برخه کې به تر خپلې وسې هڅه کوو تر څو د ټولو راستنېدونکو او بېځايه شوو شته ستونزې حل او اړمنو او مستحقو کورنیو ته مرستې ورسېږي.
