په يوشمېر ولايتونوکې له شپږ زرو زياتو کورنيو سره مرستې شوي
د مهاجرينو چارو وزارت د ولايتي رياستونو او آمريتونو له لارې تېره اوونۍ د غوايي د (۲۳) مې څخه تر ( ۲۸) مې د هېواد په څوارلس ولايتونو کې ( ۶۳۰۰) کورنيو سره مرستې شوي.
يادې کورنۍ، چې د جګړو او طبيعي پېښو له امله په ننګرهار، خوست، ميدان وردګ، سمنګان، جوزجان، بلخ، بدخشان، قندهار، غزني، بغلان، هرات، سرپل، تخار او باميانو ولايتونو کې بېځايه شوې وې د يادو ولايتونو د مهاجرينو چارو رياستونو او آمريتونو له لارې د يوشمېر همکارو مرستندويه بنسټونو په همکارۍ هرې کورنۍ ته د خوراکي توکو کڅوړې، نغدې پيسې او د سوخت مواد وېشل شوي دي.