د مهاجرينو او راستنېدونکو چارو وزارت سرپرست د ايران هيواد د سفير سره په خپل کاري دفتر کې وکتل

د مهاجرينو او راستنېدونکو چارو وزارت سرپرست وزير الحاج خليل الرحمن ح.ق.ا.ن.ي په خپل کاري دفتر کې د ايران هيواد د سفير ښاغلي حسن کاظمي قمي سره وکتل
په پيل کې د مهاجرينو او راستنېدونکو چارو وزارت سرپرست وزير الحاج خليل الرحمن ح.ق.ا.ن.ي نوموړي ته ښه راغلاست ووايه، او وروسته يې په ايران هيواد کې د افغان مهاجرو په اوسني وضعيت، شته ستونزو ، افغان مهاجرینو ته د لازمو اسانتياوو په برابرولو، بيت الله شريف ته د حج د مراسمو د ادا کولو لپاره په ايران هيواد کې د ميشتو افغانانو د ليږد، او ددې ترڅنګ په دې هيواد کې د مهاجرينو د نويو اتشو د کاري بهير د پيلولو په اړه خبرې وکړې.
د ايران هيواد سفير ښاغلي حسن کاظمي قمي ډاډ ورکړ چې هيواد به يې د تير په څير افغان مهاجرينو ته لازمې اسانتياوې برابرې کړي.
په پای کې د مهاجرينو او راستنېدونکو چارو وزارت سرپرست وزير الحاج خليل الرحمن ح.ق.ا.ن.ي د افغان مهاجرينو د کوربه توب په اړه د ايران هيواد او ولسونو مننه وکړه.