د مهاجرينو چارو وزارت کې د يونيم ميليون ډالرو په ارزښت د همکاريو دوه هوکړه ليکونه لاسليک شول
دغه هوکړه ليکونه چې مالي لګښت يې يو ميليون ( ۶۵۸) زره او ( ۴۴) امريکايي ډالره دی، د مهاجرينو چارو وزارت او پلي کوونکو موسسو ترمنځ اړمنو ته د لا زياتو خدماتو د وړاندې کولو په موخه لاسليک شول.
د مهاجرينو چارو وزارت مسلکي مرستيال سې شنبه د کب په (۹) مه د هوکړه ليکونو د لاسليکولو پر مهال غوښتنه وکړه، چې د بشري مرستو په وېش کې دې پوره روڼتيا په پام کې ونيسي.
د يادو هوکړه ليکونو پر بنسټ به اقدام مردم برای تغيير(PACO) او بازسازی وتحفظ انرژي باری افغانستان (AREA) موسسه د سواد زده کړو د کورسونو د تنظيمولو، د خوراکي توکو، روغتيايي کڅوړو، د ښوونځي د ترميم او د سرکونو د جغل اچونې په برخوکې د مهاجرينو چارو وزارت سره په خوست، سمنګان، بلخ، جوزجان، سرپل او فارياب ولايتونوکې همکاري کوي.
همدارنګه د يادو موسسو د کاري پروژو له جريان څخه د مهاجرينو چارو او اقتصاد رياستونه د څارنې مسؤليت لري.
