مالي او اداري مرستيال د اړوندو ادارې کاري ستونزې وڅېړلې
د مهاجرينو او راستنېدونکو چارو وزارت مالي او اداري مرستيال الحاج محمد ارسلاح خروټي د دغه معنيت د اړوندو ادارو له مسؤلينو او کار کوونکو سره په ليدنه کې د يادو ادارو کاري ستونزې وڅېړلې او د شته ستونزو او ننګونو پر حل يې خبرې وکړې.
په ناسته کې مالي او اداري مرستيال ، د مالي او اداري رياست، معلوماتو او ټيکنالوژۍ رياست، تدارکات، اطلاعاتو او عامه اړېکو او د ولايتونو د همغږۍ رياست د مسؤلينو او کار کوونکو د ستونزو، وړانديزونو او نظرياتو له اورېدو وروسته ټينګار وکړ ويې ويل، د مسؤلينو او کار کوونکو د نظرونو تبادله کولای شي چې په اداره کې اصلاحات راولي.
هغه زياته کړه، د رياستونو مسؤلين بايد د بوديجې په لګولو کې صادق او رښتني وي، ځکه بوديجه په ملت پورې اړه لري او بايد د ولس په خدمت کې ولګول شي.
په دې ناسته کې، چې سې شنبه د سلواغې په (۴) مه د وزارت د ناستو په تالار کې ترسره شوه، مسؤلينو او کار کوونکو خپلې ستونزې او ننګونې مالي او اداري مرستيال سره شريکې کړې او د بشري سرچينو رئيس مفتي مدير ګل احمدي د ګومارنې د چارو د پرمخ بيولو او د بشري سرچينو رياست د کار کوونکو د ستونزو په اړه معلومات ورکړل.
