د مهاجرینو چارو وزیر په اسلام اباد کې د مهاجرینو اتشه سند ایالت ته واستوله
د مهاجرینو او راستنېدونکو چارو وزیر الحاج خلیل الرحمان حق.اني په اسلام اباد کې د مهاجرینو اتشې ته لارښونه کړی، چې سند ایالت ته ولاړ شي، او د هغو راپورونو په اړه دقیقه څېړنه وکړي، چې په دې وروستیو کې د بندیانو په اړه خپاره شوي دي.
د مهاجرینو چارو وزیر ویلي، که حقیقت ولري، چې د ځینو بندیانو د بند موده پوره ده، خو د نغدي جریمي او یا د کرایې د نشتون له امله بند پاتې دي، اتشه دې سمدلاسه د جریمې پیسې ادا کړي او د ترانسپورت زمینه دې ورته برابره کړي او کوم بندیان، چې نورو لومړنیو مرستو، تداوي، یا البسې وغیره ته اړتیا لري هم دې اړتیاوې ورپوره کړي.
