د مهاجرینو چارو وزیر د ایران هېواد له مرستیال سفیر سره ولیدل
د مهاجرینو او راستنېدونکو چارو وزیر الحاج خلیل الرحمان حقاني د ایران اسلامي جمهوریت له مرستیال ښاغلي غلام رضا نجاري سره په خپل کاري دفتر کې ولیدل
په دغه ناسته کې په ایران هیواد کې د مهاجرینو او پناه غوښتونکو په ستونزو او مشکلاتو خبرې وشوې
ښاغلي حقاني وویل: مونږ د ایران هېواد له اوږده کوربتوبه مننه کوو او غوښتنه مو دا ده، چې افغانانو ته په ایران کې ټول هغه حقوق پوره ورکړل شي، چې نړیوالو قوانینو کې ورکړل شوي دي
په ناسته کې د افغانستان، ایران، پاکستان او یونیسیار ادارې ترمنځ په څلوراړخیزه ناسته چې د تخنیکي ستونزو له امله ځنډېدلې وه هم خبرې وشوې
ښاغلي نجاري وویل افغانستان او ایران دوه مسلمانان، ګاونډي او ورونه هیوادونه دي او مونږ ژمن یو چې د قانون په چوکاټ کې افغانانو ته هم هغه حقوق ورکړو کوم حقوق چې پخپله ایرانیانو ته ورکوو
