سمنګان کې د بيا يوځای کېدو کمېټه فعالې شوه
د ملګرو ملتونو د کډوالو ادارې (UNHCR) په مالي مرسته د تلې په (۱۰) مه په دغه ولايت کې د راستنېدونکو او بېځايه شوو د بيا يوځای کېدو کمېټه فعاله شوه.
په د غو مراسموکې چې په همدې موخه ترسره شول، د مهاجرينو چارو وزارت پلاوي د يادې کمېټې د دندو، مکلفيتونو او راستنېدونکو او داخلي بېځايه شوو ته د يادې کمېټې د جوړېدو په موخې او ارزښت خبرې وکړې.
وروسته د سمنګان ولايت مرستيال والي عبدالمنان اسلمي خبرې وکړې او د را ستنېدونکو او د اخلي بېځايه شوو په برخه کې د يادې کمېټې بياځلې جوړول يو مثبت ګام وباله ويې ويل چې په دې سره به د راستنېدونکو او بېځايه شوو وضعيت ته په سمه توګه رسيدګي وشي.