د مهاجرينو او راستنېدونکو چارو وزارت کې د فارياب ولايت د راستنېدونکو او بېځايه شوو د ستونزو په اړه خبرې وشوې
د مهاجرينو او راسنتېدونکو چارو وزارت مسلکي مرستيال مولوي عبدالرحمن راشد او د فارياب ولايت د مهاجرينو او راستنېدونکو چارو رئيس ترمنځ د وږي په (۱۹) مه په دغه وزارت کې ګډه ناسته ترسره شوه، چې پکې د فارياب ولايت د راستنېدونکو او بېځايه شوو د ستونزو دحل په اړه خبرې وشوې.
د فارياب ولايت د مهاجرينو رئيس د خپلې ادارې د فعاليتونو او کړنو په اړه معلومات ورکړل او په دغه ولايت کې د راستنېدونکو او بېځايه شوو کورنيو وضعيت ته د لاسرسي او زياتې پاملرنې غوښتونکی شو.
د مهاجرينو او راستنېدونکو چارو وزارت مسلکي مرستيال د مرستو دوېش په رونټيا، ايماندارۍ او د اړمنيو کورنيو په پېژندو ټينګار وکړ او ډاډ يې ورکړ چې ټولو اړمنو کورنيو ته به پاملرنه وشي.
په ياده ناسته کې بېځايه شوو ته د لاسرسي، د مرستو پر وېش، د راستنېدونکو د بېځايه يوځای کېدو پر څرنګوالي، له اړمنو سره د مرستو په همغږۍ او د فارياب د ولايت مقام سره د مهاجرينو او راستنېدونکو چارو وزارت په همکارۍ خبرې وشوې.
