د پالېسۍ او پروګرامونو د پلي کېدو مرستيال د بشري مرستو د وېش په لا روڼتيا ټينګار وکړ
د کډوالو او راستنېدونکو چارو وزارت د پالېسۍ او پروګرامونو د پلي کېدو مرستيال شېر علم امله وال بلخ ولايت ته په خپل سفرکې د پنجشنبې په ورځ د زمري په ۱۴مه د بلخ ولايت دکډوالو چارو رياست کارکوونکو سره ليدنه وکړه، د دوی ستونزې او ننګونې يې واورېدې او دبشري مرستو د وېش په لا روڼتيا يې ټينګار وکړ.
د بلخ ولايت دکډوالو او راستنېدونکو چارو رياست سيمه ييزو چارواکو دخپلودندو په اړه معلوماتو چمتوکولو پرمهال، د دوی کاري مسؤليت انساني او بشري ژمنې سره په اوسني وضعيت کې د اړو خلکو پاملرنه بيان کړه.
ښاغلي امله وال دبلخ ولايت دکډوالوچارو رياست اداري کاري وضعيت ښه کولو په برخه کې اړينې لارښوونې وړاندې کړې ويې ويل: په اوسني وضعيت کې چيرې چې موږ يوشمېر هېوادوالو خپل کورونه پرېښي او زموږ خدماتو ته سترګې په لاردي، موږ بايد د دوی دمخنيوي لپاره په پوره صداقت او مسؤليت سره کار وکړو.
دکډوالو او راستنېدونکو چارو وزارت د پالېسۍ او پروګرامونو د پلي کېدو مرستيال بلخ ولايت ته د داخلي بېځايه شوو او راستنېدونکو ته د برېښنايي پېژند پاڼو د وېش لړۍ د پرانيستې په موخه سفر کړی او دا لړۍ د دغه ولايت د يوشمېر سيمه ييزو حکومتي چارواکو په شتون کې پيل شوه.
