د کډوالو او راستېدونکو چارو وزارت رهبرۍ د ننګرهار ولایت د کډوالو او راستنیدونکو چارو ریاست څخه لیدنه کړې وه
د کډوالو او راستنېدونکو چارو وزارت دپالېسۍ او پروګرامونو دپلي کېدو مرستیال شېر علم امله وال ننګرهار ولایت ته کاري سفر درلود، راغلي پلاوي دغبرګولي په ١٥مه دننګرهار ولایت دکډوالو چارو ریاست چارې له نږدی وڅارلې، څو شېبې د دې ریاست د کارمندانو سره په ګډه د مراجعینو ستونزې له نږدې واورېدلې او په شریکه يې د مراجعینو چارې یې پروسس کړل.
ښاغلي امله وال د دې ریاست د هرې شعبې کارمندانو اجراات له نږدې وڅارل.هغه زیاته کړه سره د دې چی ننګرهار ولایت د بېځایه شوو کورنیو کوربه ولایت دی د تورخم له لارې اکثره راستنېدونکي کورنۍ هم پدې ولایت کی میشت کېږي لازمه ده چې هرې کورنۍ ته په وخت او زمان سره رسېده ګي صورت ونیسي، په همدې تړاو د دې ریاست ټولو کارمندانو ته لازم سپارښتنې وکړې او ډاډ يې ورکړ چې د مرکز په سطح به د داخلې بېځایه شوو او راستنېدونکو کورنیو د ستونزو د حل په موخه لازم او عاجل اقدامات وکړي.
همدارنګه راستنېدونکو اوداخلي بېځایه شوو کورنیو ماشومانوته به دروغتیایي مرکزونو او ښونځیوو ستونز حل کړي ترڅو په مشرقي کې بېځایه شوي ماشومان له زده کړو برخمن شي.
