دکډوالو په ښارګوټي د بنسټيزو کارونو نه شتون ددې لامل کېږي چې بېرته راستنېدونکي بياکډوال شي
د کډوالو او راستنېدونکو چارو وزارت سرپرست او نوماند وزير نور الرحمن اخلاقي د ترکيې د همغږۍ اوهمکارۍ (TIKA) د دفتر له رئيس ذهتوچال سره په ليدنه کې وويل: چې د کډوالو په ښارګوټوکې د بنسټيزوکارونو نشتوالی ددې لامل کېږي، چې يوشمېر راستنېدونکي بېرته کډوال شي.
هغه د افغانستان او ترکيې ترمنځ د ايډيالوژيکي، فکري او تاريخي اړيکو په لوستلو سره، په افغانستان کې ددې ادارې دهمکاريو څخه مننه وکړه زياته يې کړه د سولې خبرې د کډوالو په ژوند اغېز کوي او بېرته راستنېدونکوته د خدماتو وړاندې کولو په اړه زموږ چلند بدلون مومي او موږ د يوالي او پرمختګ ترمنځد اړيکو جوړولوهڅه کوو.
ښاغلي اخلاقي د TIKA) ) له دفتر څخه وغوښتل چې د کډوالو په ښارګوټوکې د بنسټيزو کارونو په پلي کولو او په مرکز او ولايتوکې د ې د ودانيو په جوړولو کې له وزارت سره همکاري وکړي.
د TIKA) ) ادارې رئيس له افغانستان سره دخپلې اوږدمهاله همکارۍ سربېره وويل: چې دکډوالو په ښارګوټوکې دبنسټيزو کارونو موضوع به په انقره کې ددې ادارې له مرکز دفتر سره شريکه کړي ترڅو دنوي کال په پلانونوکې شامل شي.
