دکډوالو وزير د ولسی جرګې په غونډه کې دکډوالو، راستنېدونکو او بېځايه شوو دوضعيت په اړه معلومات ورکړل

sadam_morr
یکشنبه ۱۳۹۸/۶/۳۱ - ۱۲:۷

وزیر امورمهاجرین در جلسه استماعیه پارلمان: امسال به 128 هزار خانواده بیجاشده کمک رسانی نموده ایم

د کډوالو او راستنېدونکو چارو وزير سيد حسين عالمي بلخی تېره ورځ د وږي په ۳۰مه دولسي جرګې د اورېدو په ناسته کې دکډوالو، راستنېدونکو او بېځايه شوو دوضعيت په اړه معلومات ورکړل. ښاغلي بلخي وويل، افغانستان دکډوالۍ لويه سرچينه وه،چې اوسمهال ۶،۵ ميليونه کډوال په بېلابېلو هېوادونوکې ژوند کوي، چې ۸۰ ٪ يې په ايران او پاکستان او پاتې نور يې دنړۍ په ۷۰ هېوادونوکې شپې ورځې تېروي. هغه زياته کړه،چې دملي وحدت حکومت په پنځوکلونوکې څلور ميليونه کډوال هېواد ته راستانه شوي او له ۲۰۰۲ کال څخه تر اوسه پورې د راستنېدونکو شمېر لس ميليونو ته رسيږي. عالمي بلخي وويل، چې يادې ادارې خپل فعاليتونه دملي اسنادو ( دولسمشرۍ ماڼۍ ۳۰۵ ګڼه فرمان، دبېځايه شوو ملي پالېسۍ، د راستنېدنې پراخې پالېسۍ، ددې وزارت پنځه کلن ستراتېژيک پلان او دبېځايه شوو او راستنېدونکو اجرايوي کمېټې د پالېسۍ په اډانه) او همدا راز دنړيوالو اسنادو ( د ۱۹۵۱ کال کنوانسيون، د ۱۹۶۷ کال پرتوکول، دبېځايه شوو په اړه دملګرو ملتونو داصولو لارښود او د پناه غوښتنې او کډوالۍ په برخه کې د ګلوبل کمپکټ له مخې ترسره کوي. بلخي په روان کال کې د راستنېدنې لړۍ په اړه وويل، چې د ۲۰۱۹ کال په جريان کې له ايران او پاکستان نه د اسناد لرونکو راستنېدونکو شمېر ۵۸۸۹ تنه او دبې اسناد راستنېدونکو شمېر ۳۱۶۳۰۰ تنو ته رسيږي او په ۲۰۱۹ کال کې له ټولو هېوادونوڅخه د راستنېدونکو شمېر ۳۴۵۱۶۶ تنو ته رسيږي چې د تېرو کلونو په پرتله پکې زياتوالی راغلی دی. نوموړي راستنېدونکو او بېځايه شوو ته د وړاندې شوو خدمتونو په اړه وويل، چې دولسمشر د فرمان پر اساس دکډوالو ښارګوټو زيربينايي کارونو د رامنځ ته کولو په موخه دکابل او هرات ولايتونو د ښارګوټو کار د ( شورا) برنامې په اډانه کې پيل ددغه فرمان کړنلاره تصويب او په پام کې ده چې ولسمشر ته د لاسليک لپاره ورسيږي. هغه زياته کړه، چې نړيوال بانک او يوشمېر وزارتونو په همکارۍ يې ۲۰۰ ميليونه ډالره د راستنېدونکو او بېځايه شوو لپاره دمعشيتي پروژو په موخه ځانګړې کړي دي. همدارنګه په ايران او پاکستان کې د بهرنيو چارو وزارت په همکارۍ به په نږدې راتلونکې کې بې اسناده افغانانوته د پاسپورتونو په وېش کې زياتوالی راشي، تر څو په هغه هېوادونوکې هېڅ افغان بې اسناده پاتې نه شي. ښاغلي بلخي دکډوالۍ نړيوال سازمان د اوو برنامو دځای پرځای کېدنې، حرفوي زده کړو او د بې اسناده راستنېدونکو سره دمرستې ياده ونه وکړه او ويې ويل، دملګرو ملتونو دکډوالو اداره د اسناد لرونکو راستنېدونکو لپاره ددغه وزارت سره په ۱۵ کاري ساحوکې مرسته کوي او دخوراک نړيوال سازما له دوو ميليونو څخه زيات راستنېدونکي دخپلو مرستو د پوخښ لاندې نيولي. د کډوالو ا وراستنېدونکو وزير په پاکستان، ايران، يونان، ترکيه، اندونيزيا هېوادونو، د امريکا، اروپا، استراليا په حوزو کې د کډوالو د وضعيت په اړه معلومات وړاندې کړل او د اروپايي ټولنې، المان اوسويس هېوادونو سره يې د کډوالو دستونزو د حل، دهغوی نوې ځای پرځای کېدنه، دمرستو دجلب، دکډوالۍ مديريت او د زيانمنو شوو خلکو د جبري ويستلو دمخنيوي په اړه معلومات وړاندې کړل. بخلي د داخلی بېځايه شوو په اړه وويل، چې په روان کال کې د هېواد په کچه ۴۱۴۹۲۵ تنه بېځايه شوي، چې ددغې ادارې او همکارو بنسټونو په هڅو ۵۲۵۰۲ تنه خپلو اصلي سيموته ستانه شوي او ۲۷۹۲۵۸ کورنۍ چې ۱۹۵۴۸۰۶ تنه کېږي په کډوالۍ کې ژوند تېروي. هغه وويل، دغه وزارت د بېړني حالت وروسته د بېځايه شوو مسوليت په غاړه لري، چې د بېځايه کېدنې په لومړيو ورځو کې د طبيعي پېښو پروړاندې د مبارزې اداره هغوی ته رسيدنه کوي. نوموړي زياته کړه د بېځايه شوو ته دښې رسېدنې په موخه دغه وزارت په ۱۳۹۸ کال کې دهمکاريو ۳۰ هوکړه ليکونه، د 4342370يورو،4197946 ډالرو او 310573760 افغانيو په ارزښت له يوشمېر موسسو سره لاسليک کړي، موخه يې دکډوالو مخ پرزياتېدونکي وضعيت ته ځواب ويل دي، چې له دغې لارې 103195 کورنۍ د بشری مرستو لاندې نيول شوي. بلخي وويل، چې ددغو مرستو سربېره دغه وزارت 25403 کورنيوسره د دريو برنامو له لارې دملی بوديجې څخه نغدي مرسته ترسره شوې. دکډوالو چارو وزير په خپلوخبروکې په راتلونکي ژمي کې دمرستو يادونه وکړه ويې ويل، دغې ادارې ۲۵ زره کورنيوته د 375000000 افغانيو ارزښت د ژمنيو مرستو پرپوزل ترتيب ترڅو دماليې وزارت ورته د اړتيا وړ بوديجه برابره کړي، هغه زاته کړه چې د بېځايه شوو لپاره د دايمي حل لارو په موخه له ۱۴ ملي او نړيوالو موسسو سره د 2227368 يورو،613824 پونډو،1345734 ډالرو او 330310788 افغانيو په ارزښت قراردادونه لاسليک کړي، چې 146960 کورنۍ د پوښښ لاندې نيسي. هغه په بدخشان ولايت کې د بېځايه شوو سره مرستې لپاره ددغه وزارت له لورې 4800000 افغانيو لېږل، د خوراک نړيوال سازمان WFP له لورې ۹۶۰ کورنيوسره دمرستې او په هغه ولايت کې د ۱۰۰۰ تنو بېځايه شوسروې، د بغلان ولايت بېځايه شوو سره دمرستې لپاره 6000000 افغانيو لېږل، د WFP له لورې ۴۲۰ کورنيوسره مرستې او په نږدې راتلونکي کې د ERM له لورې ۲۵۰ کورنيوسره دمرستې ، کندزو ولايت بېځايه شوو لپاره ۱۰۸۰۰۰۰۰ افغانيو لېږل، په نږدې راتلونکې کې د ۲۲۵ کورنيوسره د WFP دمرستې او همدارنګه په تخار ولايت کې د WFP موسسې له لورې د کډوالو چارو وزارت په همکارۍ له ۳۰۰۰ نورو کورنيوسره دمرستو دوېش په اړه ولسی جرګي ته معلومات ورکړل. دکډوالو او راستنېدونکو چارو وزير سيد حسين عالمي بلخي وويل، ترسره شوې مرستې بسنه نه کوي او دغه وزارت بېځايه شوو سره د لا زياتو مرستو په هڅه کې دی. په وروستيو کې د ولسي جرګی رئيس دکډوالو چارو وزير او دهغه دهمکارانو څخه دمننې ترڅنګ وويل، دهېواد روان وضعيت ته په کتو بېځايه شوو سره دمرستې رسونې به برخه کې بايد پاملرنه زياته کړي او دکډوالو چارو وزير دهر اړخيزه هڅو څخه ډاډ ورکړ.

دکډوالو وزير د ولسی جرګې په غونډه کې دکډوالو، راستنېدونکو او بېځايه شوو دوضعيت په اړه معلومات ورکړل

تازه خبرونه

د مهاجرینو چارو وزارت او یوناما ترمنځ د راستنو شویو او بېځایه شویو د پالیسیو او لارښودونو نهايي کولو په اړه مشورتي ناستې وشوې

د مهاجرینو چارو وزیر د کابل د جهادي مدرسې له مهتمم شیخ محمد ابراهیم او شیخ محمد فقیر محمدي سره وکتل

په ترکیه کې د مېشتو افغان کډوالو استازو د مهاجرینو چارو وزارت له لېږل شوي پلاوي سره وکتل

زموږ سره اړيکه

رسنۍ