د مهاجرینو چارو وزیر د کاري دفتر په جامع جومات کې د سیرت النبي په مناسبت برنامه ترسره شوه
د مهاجرینو او راستنېدونکو چارو وزیر محترم مولوي عبدالکبیر د کاري دفتر په جامع جومات کې د محمد (ص) د مبارک سیرت په مناسبت برنامه تر سره شوه.
په دغې برنامه کې د مهاجرینو چارو وزیر محترم مولوي عبدالکبیر، محترم شیخ محمد فقیر محمدي، دیني علماوو، د اسلامي امارت ګڼو مجاهدینو او کارکوونکو ګډون کړی و.
ښاغلي محمدي د حضرت محمد(ص) د مبارک سیرت په اړه وینا وکړه او د اسلام د ستر پیغمبر د اخلاقو او نرم چلند په اړه یې تفصیلي خبرې وکړې.
نوموړي ناستو مجاهدینو او کارکوونکو ته په اشارې سره وویل، چې امارتي مسوولین او مجاهدین باید خپلې چارې د اسلامي اخلاقو پر بنسټ مخکې یوسي.
په پای کې هغه له ټولو مسوولینو وغوښتل، چې د اسلامي نظام ښه استازولي وکړي او دغه برنامه په دعا سره پای ته ورسېده.
