په مهاجرینو چارو وزارت کې یو هوکړه لیک لاسلیک شو
د مهاجرینو او راستنېدونکو چارو وزارت کې د افغانستان پراختیا لپاره د هوساینې انجمن (WADAN)موسسې سره د ۴۹۸ زره او ۳۰۱ امریکایي ډالرو پر ارزښت د همکارۍ یو هوکړه لیک لاسلیک شو.
دغه پیسې به په نیمروز، کندهار، ننګرهار، لغمان، هلمند او کونړ کې ۱۹۱ زره او ۳۳۹ بېځایه شویو او راستنو شویو کسانو او کوربه ټولنو ته د حقوقي مشورې ورکولو او سرحدي څارنې په برخو کې مصرف شي.
د یادولو ده، چې حقوقي مشوره ورکول او څارنه د راستنو شویو او بېځایه شویو د حقونو خوندیتوب او ساتنې په برخه کې مرسته کوي او د عادلانه او پر اسلامي اصولو ولاړې ټولنې د رامنځته کېدو سبب کېږي.
