د کډوالو او راستنېدونکو چارو وزیر محترم مولوي عبدالکبیر په خپل کاري دفتر کې د ارزګان ولایت له امنیه قومندان مولوي محمد رفیق خادم سره وکتل
د ناستې په پیل کې مولوي محمد رفیق خادم په ارزګان کې د سیمه ییزو ادارو او ولس تر منځ د همکارۍ په اړه معلومات وړاندې کړل او ویې ویل، چې خلک له پوځي او ملکي مسوولینو سره همکاري او ښه همغږي لري.
د ښاغلي محمد رفیق خادم پر وینا، چې د اسلامي امارت لخوا په ارزګان کې د ځينو پراختيايي پروژو په پیلېدو سره کاري فرصتونه رامنځته شوي او تمه کېږي، چې په نږدې راتلونکې کې دا لړۍ لا پراخه شي.
د ناستې پر دوام مولوي محمد رفیق خام د مهاجرينو په اړه وړاندیزونه له محترم مولوي عبدالکبیر سره شریک کړل.
محترم مولوي عبدالکبیر د ارزګان امنیه قومندان ته ښه راغلاست وویل او د امنیت په ساتلو کې یې د اسلامي امارت د مجاهدینو د هڅو او قربانیو ستاینه وکړه.
محترم وزیر وویل، چې اسلامي امارت د ولس لومړیتوبونو ته په کتو پراختیايي چارې په نظر کې نیولې دي او د خلکو وړانديزونو ته پر وخت رسېدنه کېږي. محترم وزیر ډاډ څرګند کړ، چې شریک شویو وړانديزونو ته به رسېدنه وشي.
