پکتیا: د اریوب او احمد خېلو ولسوالیو له ولسوالانو او قومونو سره ناستې وشوې
د مهاجرینو او راستنېدونکو چارو سرپرست وزیر الحاج خلیل الرحمن حقاني په جلا جلا ناستو کې د پکتیا ولایت اریوب ځاځیو او احمد خېلو ولسوالیو له ولسوالانو، امنیه قوماندانانو، قومي مخورو او علماو سره ولیدل
په ناستو کې د یادو ولسوالیو په ستونزو او مشکلاتو خبرې وشوې
ښاغلي حقاني په خپلو خبرو کې قومونه اتفاق او یووالي ته راوبلل او د شخړو پرمهال د خپل سرو کړنو په مخنیوي یې ټینګار وکړ
د سیمې خلکو دغو ولسوالیو ته د ورتګ له امله له ښاغلي حقاني مننه وکړه، په قومي ستونزو کې یې د نوموړي هڅې وستایلې او خپلو سیمو ستونزې، مشکلات او وړاندیزونه یې ورسره شریک کړل، د مهاجرینو چارو وزیر ډاډ ورکړ، چې غوښتنې به یې له اړوندو ادارو سره شریکې او د حل لپاره به یې جدي هڅې وکړي
