په کډوالو وزارت کې د نږدې یو میلیون ډالرو په ارزښت څلور هوکړه لیکونه لاسلیک شول
د کډوالو او راستنېدونکو چارو وزارت کې د اشیانه، هماهنګي کمک های بشري، همبستګي و مساعدت افغانستان نوین او توانمندي ماموریت زنان افغانستان موسسو سره د ۹۶۶ زره ۸۶۱ امریکايي ډالرو په ارزښت څلور هوکړه لیکونه لاسلیک شول.
یادې موسسې به یاد شمېر پیسې په هرات، لوگر، پکتیکا، ننگرهار او زابل ولایتونو کې د نغدي مرستو د ویش، د ماشومانو د ساتنې او زده کړو خدمتونو، د ماشومانو د حقوقو د قضیو مدیریت او پوهاوي کچې لوړولو، د روغتیايي کڅوړو وېش، عامه پوهاوي، د څښلو پاکو اوبو او کثافت دانیو په برخه کې په لګښت رسوي، چې په پلې کېدو سره به یې 25714 راستنې شوې کورنۍ او 77650 تنه بېځایه شوي او کوربه کسان ترې برخمن او ګټه پورته کړي
