په تېرې يوې مياشت  کې له ۴۰ زرو زياتو کورنيوسره مرستې شوي

په تېرې يوې  مياشت کې لږ ترلږه ۴۳زره او ۵۹۵ کورنيوسره دهېواد په ۲۵ ولايتونوکې  د يوشمېر ملي او نړيوالو مرستندويه ادارو له لورې د کډوالو او راستنېدونکو چارو زوارت په همکارۍ مرستې ترسره شوي دي.

د کډوالو او راستنېدونکو چارو وزارت د ملګرو ملتونو دکډوالو ادارې (unhcr  )، کډوالۍ نړيوال سازمان (iom ) طبيعي پېښو پروړاندې دمبارزې ادارې او يوشمېر نورو ادارو په مالي ملاتړ نغدي، خوراکي او غير خوراکي موادو مرستې د بېځايه شوو،راستنېدونکو او د طبيعي پېښو له امله زيانمنو شوو کورنيوسره  ترسره شوي.

سرپنا جوړل، د روزنيزو او ورزشي برنامو سرته رسول، کورونو جوړول، د لمريزو تختووېش، خوراکي موادو، دکور وسايل او په لسګونو نور شيان  د تېرې يوې مياشتې په اوږدو کې د پنجشېر، ميدان وردګو، قندهار، فارياب، بلخ، پروان، بادغيس، جوزجان،کندز، لوګر، غور، هلمند، فراه، هرات، تخار، پکتيکا، پروان  او نورو ولايتونوکې  ترسره شوي دي.