پناه غوښتونکو مرسيتالې دافغان کډوالو وضعيت څېړولو په موخه ډنمارک ته سفر وکړ

د کډوالو او راستنېدونکو چارو وزارت د پناه غوښتونکو مرسيتالې ډاکټرې عالمه  د يو پلاوي سره ډنمارک هېواد ته سفر کړی او د افغان کډوالو وضعيت د ښه والي په موخه يې بېلابېلو بنسټونو سره ليدلي او د ښه والي غوښتنه يې کړې. 

افغان پلاوي د ډنمارک هېواد د بهرنيو چارو وزارت د پاليسۍ له مسولينو سره په ليدنه کې د مرستو د دوام او په ځانګړې توګه د ډيپورت شوو افغان کډوالو د ملاتړ غوښتنه کړې.

د المان هېواد د بهرنيو چارو وزارت د پالېسۍ رئيس ښاغلي اشتفان شوينه من افغان پلاوي ته ښه راغلاست ووايه ويې ويل، په دې برخه کې هر راز همکارۍ ته تيار دی او ډنمکار هېواد د افغان دولت او د افغانستان دخلکو ملاتړی و او د ۱۸ کال په اخرکې د لاسته راوړنو ملاړيې کړی.

افغان پلاوي  په کپنهاګ ښار کې بله ناسته د DRC موسسې له مسؤلينو سره لرله او د همکاريو په زياتوالي يې خبرې اترې وکړې.

د کډوالو چارو وزارت د پناه غوښتونکو مرستيالې ديادې موسسې د همکاريونه مننه وکړه چې په اروپا کې يې د افغان کډوالو لپاره په لاره اچولی و او د DRC څخه يې غوښتنه وکړه،چې د حرفوي زده کړو ترڅنګ دې ورته برنامې د افغان حکومت ترمشرۍ لاندې  په لاره واچوي.

په ورته وخت کې د کډوالو چارو وزارت دپناه غوښتونکو مرستيالې او ورسره پلاوي په کوپنهاګن کې د GIZ  چارواکو سره وکتلا او د ديپورت شوو د پالېسۍ د بشپړولو او GIZ په رامنځ ته کولو کې د افغانستان حکومت سره خبرې وکړي

همدارنګه  د يادې موسسې استازو وويل، چې دکډوالو چارو وزارت به دنړيوال تړون په اساس د ژمنو په پلي کولو کې د (Goble Migration Compact ) سره همکاري وکړي.