موسساتو سره د همغږۍ رییس د لوګر ولایت مرستیال والي سره ولیدل
د موسساتو سره د همغږۍ رییس شیخ عبدالرحمن رحماني له خپل تخنیکي ټیم سره لوګر ولایت ته د سفر پر مهال د دې ولایت د والي له مرستیال مولوي محمد انور دین پرور سره ولیدل.
ښاغلي رحماني په دې لیدنه کې لوګر ولایت د خپل سفر موخې تر څنګ وویل: د مهاجرینو وزارت موخه مظلومو مهاجرینو ته خدمت کول دي او اوس د دې وخت رارسېدلی چې اړمنو ته خدمت وکړو تر څو هغوی خپل ژوند په ارامه توګه پر مخ یوسي.
بل لورته د لوګر مرستیال والي د ښه راغلاست تر څنګ ډاډ ورکړ، چې د اسلامي امارت له پالیسۍ سره سم به په دې ولایت کې د مهاجرینو ادارې سره خپله هم کاري کوي.
