مالي او اداري مرسيتال د يوپلاوي په مشرۍ کنړ ولايت ته سفر وکړ
د کډوالو او راستنېدونکو چارو زارت مالي او اداري مرستيال انجينير احمد ولي حکمي د يوپلاوي په مشرۍ کنړ ولايت ته د داخلي بېخايه شوو او راستنېدونکو وضعيت څېړولو په موخه کنړ ولايت ته سفر وکړ.1
په ياد سفر کې د ښاغلي حکمي سره د بشري سرچينو رئيس عبدالخق موسوي او تخنيکي سلاکار شجاع الدين رفيع هم شتون درلود چې دکنړ ولايت سرپرست والي ګل محمد بېدا سره يې د داخلي بېځايه شوو او ارستنېدونکو کډوالو پر وضعيت خبرې اترې وکړې.
ښاغلي حکمي د کډوالو چارو وزارت له لورې د زياتو مرستو د وېش ډاډ ورکړ او په هغه ولايت کې يې دکډوالو چارو ر ياست ته لارښوونه وکړه چې يادې ستونزې وڅېړې او دحل لار ورته پيدا کړي.
نوموړي همدارنګه دکډوالو چارو زارت د راستنېدونکو او بېځايه شوو د څانګو څخه هم ليدنه وکړه؛ دهغوی ننګونې او ستونزې يې واورېدې او دهمکاريو ډاډ يې ورکړويې ويل کومې ستونزې چې حل يې د وزارت په توان کې وي حل او کومې چې د وزارت د توان څخه پورته وي په يوراپور کې ولسمشرۍ ماڼۍ ته وړاندې کړې.
