مالي او اداري مرستيال د فعاليتونو په لا ښه والي ټينګار وکړ
د کډوالو او راستنېدونکو چارو وزارت مالي او اداري مرستيال احمد ولي حکمي په هغه ناسته کې، چې د کډوالو وزارت د بشري سرچينو د رئيس او مالي رئيس ارزونې په موخه جوړه شوې وه د وزارت د کارمندانو د فعاليتونو په لاښه والي ټينګار وکړ.
دغه ناسته د ليندۍ په ۲۳مه د اداري اصلاحاتو او ملکي خدمتونو دخپلواک کمېسيون د استازو په شتون کې کډوالو وزارت کې ترسره شوه، چې پکې د يادو رئيسانو د تېرکال فعاليتونه و ارزول شول.
دکډوالو وزارت مالي او اداري مرستيال د رئيسانو د خدمتونو او ښو کارونو ستاينه وکړه ويې ويل: « د دوی رښتنی خدمت اړمنو او مستحقو خلکو ته د خدمت کولو اساس دی. د وزارت د هر کارمند رښتني او راڼه فعالتونه د هېواد دبېځايه شوو او کډوالو برخليک اغېزمنوي؛ نو بايد خپلې کړنې او فعالتونه په مسؤلانه توګه ترسره کړئ».
دا په داسې حال کې ده، چې په وروستيو کې د کډوالو وزارت اجرايوي بورډ په ناسته کې د وزارت چارواکو په مرکز او ولايتونوکې اړمنوخلکوته پروخت د رښتني او ګټورو فعاليتونو په ترسره کولو او پلانونو پر جوړولو ټينګار وکړ.
