له سلو زيات افغان مهاجر د پاکستان له زندانونو خوشې شوو
د پاکستان له زندانونو ( ۱۳۱) افغان مهاجرين خوشې او هېواد ته را ولېږل شول.
ياد کسان چې څه موده وړاندې د سند ايالت د امنيتي ادارو له خو له دې امله ، چې د استوګنې او سفر قانوني اسناد يې نه درلودل نيول شوي و، او د (1946-14ForeignerAct) مادې لاندې د کراچۍ په سنټر جيل او لنډي جيل کې په موقتي بند محکوم شوي وو.
ياد کسان په اسلام آباد کې د افغانستان سفارت، د ا.ا. د جنرال قونسلګرۍ او په اسلام آباد کې د مهاجرينو چارو وزارت د اتشې په هڅو له زندانونو خوشې شول.
خوشي شوي افغانان د قندهار ولايت په سپين بولدک کې د مهاجرينو چارو وزارت د سرحدي آمريت له لارې د مسافر وړونکو په دريو بسونو کې هېواد ته را ستانه شوي دي.
د يو بل خبر له مخې د کراچۍ ښار محکمې د (۵۶) بنديانو د خوشي کولو حکم صادر کړی او د طی مراحلو په موخه د سيند ايالت د کورنيو چارو ادارې ته لېږلی دی.
