له دوو موسسو سره د همکارۍ هوکړه لیکونه لاسلیک شول
په مهاجرینو او راستنېدونکو چارو وزارت کې له کنسرن او د بدلون لپاره د خلکو اقدام موسسې سره د همکارۍ دوه هوکړه لیکونه لاسلیک شول.
د دې هوکړه لیک له مخې، د کنسرن موسسه به ۶۴۷ زره ۹۷۹ ډالره په کندز ولایت کې د ۲ زره ۵۱۹ کورنیو لپاره د سرپنا په ترمیم او د کور کرایه ورکولو برخه کې ولګوي.
او د بدلون لپاره د خلکو اقدام موسسه په بلخ، سمنګان، جوزجان، سرپل، فاریاب، تخار او بدخشان ولایتونو کې د مچیو ساتلو روزنې، غالۍ اوبدلو او خیاطۍ په برخه کې ۴ میلیونه ۵۱۱ زره او ۳۰۳ افغانۍ لګوي، چې ۹۶۹ راستانه شوي او بې ځایه شوي به ترې ګټه واخلي.
دا هوکړه ليکونه د مهاجرينو چارو وزارت مسلکي مرستيال مولوي عبدالرحمن راشد او د د دغو موسسو د استازو له لوري لاسليک شول.
