له دوو بنسټونو سره د همکارۍ هوکړه لیکونه لاسلیک شول
د مهاجرینو او راستنېدونکو چارو وزارت او د ټولنیزې پراختیا او د تشبثاتو د اقتصادي، ټولنیزې او د ظرفیتونو لوړونې موسسې سره د ۱۷ زره او ۱۰۰ امریکایي ډالرو په ارزښت د همکارۍ دوه هوکړه لیکونه لاسلیک کړل.
د دې هوکړه لیکونو له مخې، د ټولنيزې پراختیا موسسه په کابل، پروان او ميدان وردګو ولايتونو کې د کاري فرصتونو د رامنځته کولو او د مهاجرينو د سروې په برخه کې ١٢ زره او ١٤١ ډالره لګوي، چې ٣٠٠ کورنۍ به ترې ګټه واخلي.
او د تشبثاتو اقتصادي، ټولنیزې او د ظرفیتونو لوړونې موسسه به ۴ زره ۹۵۹ ډالره په هرات، ننګرهار، کندهار، خوست او پکتیا ولایتونو کې د ۷ زره ۲۰۰ کورنیو ته د روغتیايي کڅوړو په وېش ولګوي.
دغه هوکړه ليکونه د مهاجرينو چارو وزارت مسلکي مرستيال مولوي عبدالرحمن راشد او د پورته بنسټونو د استازو له لوري لاسليک شول.
