سرپرست وزیر د تخار ولایت له مسؤلانو سره ګډه ناسته وکړه.
د مهاجرینو او راستنېدونکو چارو وزارت سرپرست الحاج خلیل الرحمن حقاني د تخار ولایت له مرستیال والي سره یو ځای، له دولتي مسؤلینو او په یاد ولایت کې د مرستندیو بنسټونو له استازو سره ناسته وکړه.
سرپرست وزیر د تازه ارقامو، د اسانتیاوو رامنځته کولو او مهاجرینو ته د ترسره شوو خدمتونو د وضاحت غوښتنه وکړه.
هغه همدارنګه د مؤسسو له استازو، چارواکو او خیرغوښتونکو څخه وغوښتل چې په دې برخه کې خپلې همکارۍ ته دوام ورکړي.
د تخار مرستیال والي لهخوا ورته په دغه برخه کې د همکارۍ ډاډ ورکول شو.
همدا راز سرپرست وزیرد یاد ولایت کړنې وارزولې او د دندو پر ښه ترسراوي، رښتینولۍ، خدمت کولو، یووالي او شرعي احکامو ته پر ژمنتیا یې ټینګار وکړ.
