راشد: په تېر یوه کال کې څه د پاسه یو میلیون افغانان هېواد ته راستانه شوي او نږدې دوه میلیونه په داخل د هېواد کې ځای پرځای شوي

د مهاجرینو او راستنېدونکو چارو وزارت مسلکي مرستیال شیخ عبدالرحمان راشد ولایتي رئیسانو ته د روزنیز ورکشاپ په پیل غونډه کې وویل، د ا. ا. له راتګ سره په هېواد کې امنیت د ډاډ وړ دی، چې له امله یې څه باندې یو میلیون افغانان هېواد ته راستانه شوي او نږدې دوه میلیونه په داخل د هېواد کې ځای پرځای شوي

ښاغلي راشد د کډوالو لپاره د ملګرو ملتونو له عالي کمشنرۍ وغوښتل، چې په کوربه هېوادونو کې د افغان مهاجرینو ملاتړ او د هغوی ستونزو ته جدي پاملرنه وکړي

نوموړي په کوربه هېوادونو هم غږ وکړ، چې افغانانو ته دې د نړیوالو اصولو مطابق د هغوی حقوق ورکړي

ښاغلي راشد زیاته کړه، افغانان دې په کوربه هېوادونو کې د قانون مطابق ژوند وکړي او په هیڅ سیاسي او غیر سیاسي تظاهراتو کې دې برخه نه اخلي

نور عکسونه ...