د کډوالو چارو وزارت مسلکي معین د ترک او افغان سوداګرو د ټولنې له مشر سره وکتل
د مهاجرینو او راستنېدونکو چارو وزارت مسلکی معین الحاج مولوي عبدالرحمن راشد د ترک او افغان سوداګرو د ټولنې له مشر ښاغلي علاءالدین دولت اولګر او د ترکیې یو شمېر سوداګرو سره په خپل کاري دفتر کې وکتل.
ښاغلي علاءالدین د دې ټولنې د جوړېدو موخه او فعالیتونه له محترم راشد سره شریک کړل او په ترکیه کې د مېشتو افغان مهاجرینو د ملاتړ او همکارۍ ډاډ ورکړ.
د مهاجرینو او راستنېدونکو چارو وزارت مسلکی معین د ښاغلي علاءالدین او ورسره مل پلاوي هرکلی وکړ او ویې ویل، چې په ترکیې کې د مېشتو افغان مهاجرینو قانوني ستونزو ته به رسېدنه وشي. محترم راشد په ترکیې کې د مېشتو مهاجرینو د هر اړخیز ملاتړ او همکارۍ پر اهمیت ټینګار وکړ او غوښتنه یې وکړه، چې مهاجر دې په خپله خوښه او په خوندي ډول خپل هېواد ته راستانه شي.
