د کډوالو وزير د فساد سره په جدي مبارزې او رونټيا ټينګار وکړ
د کډوالو او راستنېدونکو چارو وزير نور الرحمن اخلاقي په کابل کې د امريکا سفارت د اداري فساد پروړاندې د مبارزې ( امانت دفتر) له رئيس سره په ليدنه کې د اداري فساد سره په جدي مبارزې او د رونټيا رامنځته کولو پر پلانونو خبرې وکړې.
په دغه ناسته کې د کډوالو او راستنېدونکو چارو وزير راستنېدونکو ته د ځمکو د وېش په اړه د ولسمشرۍ ماڼۍ ۱۰۸ ګڼه فرمان په اړه دمعلوماتو وړاندې کولو برمهال په فرمان کې چمتوشوي ميکانيزمو بشپړ پلي کول د اداري فساد پروړاندې مبارزه او روڼتيا رامنځته کولو کې يوه مهمه مسله وبلله ويې ويل: موږ په وزارت کې د اداري فساد په راټيټولو او روڼتا رامنځته کولو باندې تمرکز کوو، موږ به په دې برخه کې له ټولو وسيلو سره کار وکړو او د امانت دفتر سره زموږ د همکاريو موخه په همدې محور باندې ولاړه ده.
هغه يادونه وکړه چې اداره به يې په دوو مياشتو کې د ولسمشرۍ ماڼۍ ۱۰۸ ګڼه فرمان پلي کولو کې مهم ګامونه ترلاسه کړي او د امانت د فتر څخه يې غوښتنه وکړه چې د ذکر شوي فرمان له مخې د کډوالو چارو وزارت سره يوځانګړی پلان شريک کړي ترڅو د فرمان په پلي کولو کې روڼتيا تضمين شي او د شکايتونو اورېدنې کمېسېون سره همکاري وکړي چې د دوه اړخيزه موخو د ترلاسه کولو لپاره په فرمان کې چمتوشي.
د کډوالو او راستنېدونکو چارو وزارت د روڼتيا او اداري فساد پروړاندې مبارزې لپاره د امانت دفتر سره د همکاريو هوکړه ليک لاسليک کړچې د لاسليک شوي هوکړه ليک پر اساس به دکاري پروسو بيا کتنه وشي او د شکايتونو پروسه به ډېره اغېزمنه کړي.
