د پناه غوښتونکو مرستيال« د راستنېدونکو تګلاره بايد واقعي وي»
په هغه ناسه کې چې د وري په ۲۹مه دملي امنيت شورا، بهرنيو چارو وزارت او د احصايې او معلوماتو ملي ادارې استازو په ګډون په کډوالو چارو وزارت کې جوړه شوې وه، له پاکستان څخه د راستنېدونکو د پلان په هکله د نظر د تبادلې سربېره د کډوالو او راستنېدونکو چارو وزارت د پناه غوښتونکو مرستيال وفي الله کاکړ د راستنېدونکو لپاره د يوې رښتني ستراتېژۍ پر جوړولو ټينګار وکړاو افغانستان ته د راستنېدونکو د راستنېدنې اړخونه يې په ګوته کړل.
همدارنګه هغه د راستنېدونکو د پېژندنې په پروسه کې ننګونې هم دافغان حکومت په وړاندې يوه له لويو ستونزو څه ياده کړه ويې ويل: چې د راستنېدونکو د پېژندلو مسله بايد د پلان په زړه کې وي.
ښاغلي کاکړ همدارنګه ټينګار وکړ چې سکتوري وزارتونه بايد دهغو کډوالو او راستنېدونکو دقيقه امنيتي اوضاع او اقتصادي او ټولنيزوضعيت په اړه بشپړ او دقيق معلومات چمتو کړي چې د راستنېدو نيت لري او په دې اړه د غلطو معلوماتو مخه ونيسي.
