د وزارت مسلکي مرستیال فراه ولایت ته لاړ
د مهاجرینو او راستنېدونکو چارو وزارت مسلکي مرستیال مولوي عبدالرحمن راشد جنوبي او جنوب لویدیځو ولایتونو ته د خپل سفر په لړ کې دا ځل فراه ولایت ته لاړ او د فراه ولایت د مهاجرینو او راستنېدونکو چارو ریاست لیدنه یې وکړه.
ښاغلي راشد په دې لیدنه کې د دغه ریاست له کارکوونکو سره ولیدل او د خپل سفر موخې یې ورسره شریکې کړې.
نوموړي همدا راز د ورځینو چارو او مهاجرینو ته د خدمتونو د لا ښه والي په موخه د شریعت د اصولو او قواعدو پر پابندۍ، په دندو کې پر اخلاص و روڼتیا او پر نیک چلند ټینګار وکړ.
د فراه ولایت د مهاجرینو چارو ریاست کارکوونکو د مهاجرینو چارو وزارت مسلکي مرستیال او مل پلاوي ته ښه راغلاست ووایه او د دغې ادارې د کارونو په اړه یې له ښاغلي راشد سره معلومات شریک کړل او د خپلې همکارۍ ډاډ یې ورکړ.
