د وزارت اداري ناسته وشوه
د مهاجرینو او راستنېدونکو چارو وزارت اونیزه اداري ناسته د مالي او مسلکي مرستیالانو په شتون کې د رییسانو او مسولینو په ګډون وشوه.
ناسته د مالي او اداري چارو مرستیال مولوي کلیم الرحمن په مشرۍ، د څو مبارکو آیتونو په تلاوت پیل شوه، چې د پخوانیو مسایلو د تعقیب، همکارۍ، همغږۍ او د مرکزي ریاستونو ترمنځ د ښې فضا د رامنځته کولو او ورته مسایلو په اړه پکې خبرې وشوې.
مالي او اداري مرستیال ښاغلي کلیم الرحمن د ډیرو بنسټي کارونو د بډایه کولو په موخه مسولینو ته د سمو، اغېزناکو او ګړنديو اجراتو لازمې سپارښتنې وکړې.
