د ميدان وردګو ولايت د بهسودو ولسوالۍ يو شمېر اوسېدونکو د کډوالو چارو وزير د کارونو ستاينه وکړه
د ميدان وردګو ولايت د بهسودو ولسوالۍ يو شمېر اوسېدونکي او راستنېدونکي د کب په ۱۲مه کډوالو چارو وزارت ته راغلل او د کډوالو چارو وزير سيد حسين عالمي بلخي د کارونو ستاينه يې وکړه.
ليدونکو وويل، په کوربه هېوادونو کې د کډوالو، بېځايه شوو راستنېدونکو او داخلي بېځايه شوو په برخه کې د کډوالو چارو د وزير رازښتمن خدمتونه زموږ خلکو لپاره د پام وړ دي، او په تېرو پنځو کلونوکې د هغه شتون د خدمت نښه وه.
په ورته وخت کې دوی دکډوالو او راستنېدونکو چارو وزارت څخه وغوښتل چې په کوربه هېوادونو په ځانګړي توګه ايران او پاکستان کې د کډوالو وضعيت ښه کولو ته خپله پاملرنه زياته کړي.
د کډوالو او راستنېدونکو چارو وزير سيد حسين عالمي بلخي دخلکو خدمت د حکومت د هرډول بنسټيز ماموريت په توګه وبلل ويې ويل، د د ايران او پاکستان د چارواکو سره په څلور اړخيزه ناسته کې چې په اسلام اباد کې د افغان کډوالو د وضعيت په اړه جوړه شوې وه خبرې کړي او خلکوته دخدمت په برخه کې ژمن دي.
