د مهاجرینو چارو وزیر سپین بولدک ته سفر وکړ
د مهاجرینو او راستنېدونکو چارو وزارت سرپرست الحاج خليل الرحمن حقاني راستنېدونکو مهاجرینو ته د کاري کمېټو د کارونو د ارزونې په موخه د کندهار ولایت، سپین بولدک ولسوالۍ ته سفر وکړ
ښاغلي حقاني فرضي کرښې ته څېرمه د مهاجرینو ستونزې واورېدې او د سپین بولدک او تخته پل له لنډمهاله کمپونو څخه یې لیدنه وکړه، نوموړي د سپین بولدک له لارې راستنېدونکو مهاجرینو لپاره، د تثبیت، لنډمهالې میشتېدنې، صحت، خدماتو، کارموندنې او نورو کاري کمېټو د کارونو ارزونه وکړه او اړونده مسؤلینو ته یې لازمې سپارښتنې وکړې
